प्रतिनिधी सर्जेराव पोवार
कोल्हापूर दि ३१/०३/२०१७ :

पोलीस अधीक्षक कार्यालय कोल्हापूर येथे *DAR ( DETAILED ACCIDENT RECORD ) सविस्तर अपघात अहवाल* बाबत कार्यशाळा घेण्यात आली.  यामध्ये अपघातामध्ये पिडीत व्यक्तीस संबंधितांकडून नुकसान भरपाई मिळण्यासाठी व विलंब टाळण्यासाठी मा. सर्वोच्च न्यायालय यांनी दिले आदेशाप्रमाणे व सूचनेप्रमाणे महाराष्ट्र पोलीस मध्ये दि. ०१/०४/२०१७ पासून सदर कार्यप्रणाली ची अंमलबजावणी करण्यात येत आहे.
सदर कार्यप्रणाली मध्ये मोटार अपघात बाबत गुन्हा दाखल झालेनंतर सदर गुन्ह्याची प्रथम खबर अहवाल (FIR) ची प्रत ४८ तासाचे आत मोटार अपघात प्राधिकरण विभागाकडे पाठविण्यात येईल त्यानंतर ३० दिवसाचे आत सविस्तर अपघात अहवाल १० विविध फोर्म मध्ये माहिती भरून मोटार प्राधिकरण अपघात विभागाकडे पाठविले जाईल.  तसेच त्याची एक प्रत संबंधित विमा कंपनीस व वाहन धारकास ३० दिवसात देणे आवश्यक आहे.  या कार्यप्रणाली करिता प्रत्येक पोलीस ठाण्यामध्ये यासंबंधी १ स्वतंत्र रजिस्टर ठेवले जाऊन त्यामध्ये याच्या नोंदी घेतल्या जातील व संबंधित विभागाचे उप विभागीय पोलीस अधिकारी याबाबत पर्यवेक्षण करतील.  सदर कार्यप्रणाली मध्ये परिवहन विभाग तसेच वैद्यकीय अधिकारी याच्याकडून नमूद फोर्म प्रमाणे माहिती भरून घेतली जाईल त्यामुळे मोटार वाहन अपघातातील तपासामध्ये गुणवत्तापूर्ण सुधारणा होवून पिडीत व्यक्तीस नुकसान भरपाई मिळणे सोयीस्कर होणार आहे. 
सदर कार्यप्रणाली चे कोल्हापूर पोलीस दलाचे जिल्हा समन्वय अधिकारी म्हणून श्री. सतीश माने, पोलीस उप अधीक्षक (गृह) यांची नेमणूक करण्यात आलेली आहे.
पोलीस अधीक्षक श्री. एम. बी. तांबडे यांनी अपर पोलीस अधीक्षक, सर्व उप विभागीय अधिकारी तसेच सर्व पोलीस ठाणे प्रभारी अधिकारी यांना सविस्तर अपघात अहवाल कार्यप्रणाली चे काटेकोर पालन करण्याबाबत आदेश दिले आहेत.

Posted By CRIME DIARY

प्रतिनिधी - संदीप पोवार

दुकानदार महिलेच्या गळ्यातील पाच तोळ्यांचे दागिने दुकानात बिस्कीट पुडा खरेदीच्या बहाण्याने आलेल्या दुचाकीस्वार चोरट्यांनी लंपास करण्याची घटना घडली आहे कोल्हापुरात गुरुवारी दुपारी तीन वाजण्याच्या सुमारात भोसलेवाडी येथील गगनगिरी हौसिंग सोसायटीमध्ये हा प्रकार घडला.
  दिनकर बाटे यांचे भोसलेवाडी येथील गगनगिरी हौसिंग सोसायटीमध्ये दुकान आहे. गुरुवारी दुपारी तीन वाजण्याच्या सुमारास दोघे तरुण दुचाकीवरून आले. त्यांनी तोंडाला रुमाल बांधला होता. तसेच डोक्याला टोपी घातली होती. दुकानात आल्यानंतर त्यांनी शशिकला बाटे यांच्याकडे बिस्कीट पुडा मागितला. बिस्कीट पुडा काढण्यासाठी शशिकला पाठीमागे वळत असताना त्यातील एका तरुणाने गळ्यातील तीन तोळ्यांचे गंठण व दोन तोळ्यांचे मंगळसूत्र हिसडा मारून तोडून घेतले व ते धूम स्टाईलने पसार झाले ,
यापूर्वी अशीच घटना याच महिन्यात जाधववाडी परिसरात घडली होती , परिसरातील नागरिकांमध्ये यामुळे भीतीचे वातावरण आहे , तसेच पोलसांनी दुचाकीस्वारांचे कोम्बिंग ऑपरेशन करावे अशी मागणी होत आहे

Posted By CRIME DIARY

प्रतिनिधी - सर्जेराव पोवार
. .
शहर उप विभागीय अधिकारी  श्री. भारतकुमार राणे व जुना राजवाडा पोलीस.ठाणे यांची कारवाई. .
जुना राजवाडा पोलीस स्टेशन हद्दीतील अंबाई टॅक परिसरात गांजा विक्री होत असलेची माहिती श्री. भारतकुमार राणे साहेब यांना मिळाली. त्या प्रमाणे यांनी आपले पथकातील पो.ना.मुनना कुडची. जमीर मुलला... संदीप कापसे. मिलिंद टेळी.व जुना राजवाडा पोलीस स्टेशन कडील श्री. भुतकर... पो. ना..श्री.शिदे. यांनी आज दि.30.03.2017 रोजी संध्याकाळी 6 वाजता.नितीन रघुनाथ भावे.व.56 रा.अंबाई टॅक. मिनाक्षी अप॔.येथे छापा टाकून. त्याचे कडून 1 किलो.580 ग्रॅम गांजा घरात साठा ठेवलेला मिळून आला.त्या च्या विरोधात जुना राजवाडा पोलीस स्टेशन मध्ये गुन्हा नोंद झाला आहे.

Posted By CRIME DIARY

कोल्हापूर प्रतिनिधी : कोल्हापुरात ट्रॅफिक पोलिसाने रस्त्यातच एका तरुणाला मारले हा  प्रकार एका प्रत्यक्षदर्शीने मोबाईल कॅमेऱ्यात शूटींग केल्याने उघडकीस आला आहे.

ट्रॅफिक पोलिसाने  रंकाळा परिसरातील क्रशर चौकात एका वाहनचालकाला अडवून लायसन्स आणि गाडीच्या कागदपत्रांची मागणी केली. कागदपत्र नसतील तर पैशाची मागणी केली . यावेळी तरुणाने पैसे घेणाऱ्या पोलीसाचा मोबाईलमध्ये शूटिंग केले . आपले शूटिंग होत आहे हे लक्षात येताच पोलिसाने त्याचा मोबाईल काढून घेतला कानाखाली मारली .

वाहन चालकांनेही पोलिसाला ढकलले व स्वत ची सुटका करून घेतली . या सगळ्या प्रकारादरम्यान तिथे जमलेल्या काही प्रत्यक्षदर्शी तरुणांनी पोलिसाने केलेल्या मारहाणीचा व्हिडीओ तयार केला व सोशल मीडियावर व्हायरल झाला.

पोलिसाने भर चौकात तरुणाला मारल्याने या परिसरातील नागरिक संतप्त झाले आहेत. वाहनांना शिस्त लावणाऱ्या या कर्मचाऱ्यांना पैशासाठी मारण्याचा अधिकार आहे का ?.
आणि अशा लाचखोर पोलीस कर्मचाऱ्याला प्रशासन पाठीशी घालणार की त्याला शिक्षा करणार असा सवाल या निमित्ताने समोर येत आहे.

- पण या निमित्ताने काही कर्तव्यदक्ष व प्रामाणिक पोलीसांना मात्र मान खाली घालायला लागली आहे !

Posted By CRIME DIARY

प्रतिनिधी - सर्जेराव पोवार 

महाराष्ट्र पोलीस अधिनियम 1951 /55 नुसार आज पोलीस अधिक्षक तांबडेसो कोल्हापूर यांनी कोल्हापूर जिल्ह्यातून सहा जनांना दोन वर्षे साठी हद्द पार केले आहे .

त्यांची नावे -
1)स्वप्नील संजय तहसिलदार.2) विठ्ठल काशीनाथ सुतार 3)तुषार शिवाजी डवरी 4)संजय महावीर किरणगे 5)राकेश किरण कारंडे 6)रामचंद्र विलास सावरे. ..
वरील सर्वांवर गंभीर स्वरूपाचे गुन्हे दाखल आहेत

Posted By CRIME DIARY

नाशिक ~ पोलीस भरतीमध्ये निवड होण्यासाठी अनेकदा वेगवेगळ्या शकला लढवल्या जातात. नाशिकमध्ये असाच एक प्रकार समोर आला आहे. नाशिकमध्ये पोलीस तपासणीवेळी उंची वाढावी म्हणून एका तरुणानं चक्क बनावट केसांचा विग डोक्याला चिकटवला. किसन पाटील असं या तरुणाचं नाव आहे.

नाशिकमध्ये गेल्या चार दिवसांपासून सुरु असलेल्या पोलीस भरतीवेळी एका तरुणानं आपली उंची 165 सेंमीच्यावर दिसावी यासाठी विग घातला. तपासणीवेळी त्याची उंचीही जास्त मोजली गेली. मात्र एका पोलीस कॉन्स्टेबलला संशय आल्यानं त्यानं किसनची पुन्हा नीट तपासणी केली. यावेळी त्याच्या डोक्यावर विग आढळला आणि त्याचं बिंग फुटलं, पोलीस त्याच्यावर पुढील कारवाई करत आहेत

पोलीस महानगर ब्रेकिंग न्यूज़च्या सौजन्याने

Posted By CRIME DIARY

समीर कटके मुरगूड प्रतिनिधी

कागल तालुक्यातील बिद्री - मुदाळ तिट्टा परिसरात केवळ दोनशे- चारशे रुपयात दात बसवणाऱ्या तीन

परप्रांतीय बोगस डॉक्टर्सना मुदाळ तिट्ट्यावरील एका डेंटिस्टने दिलेल्या माहितीच्या आधारे पकडून

मुरगूड पोलिसांच्या ताब्यात दिले आहे. तरनसिह गुरुदत्तसिंग कापसे (रा.राहूनगरी,जि.

बीजनवर,उत्तरप्रदेश) मनजीतसिंग जापानसिंग गौड,(रा.नूरपूर,जि.बीजनवर,उत्तरप्रदेश)हरप्रीतसिंग तारासिंग

राठोड,(रा.राहूनगरी,जि. बीजनवर,उत्तरप्रदेश) अशी त्याची नावे आहेत.गेली तीन दिवस हे तिघे मुरगूड

पोलिस ठाण्यात असून देखील कोणीही वैद्यकीय अधिकारी तक्रार देण्यास पुढे आले नसल्यामूळे

त्यांच्यावर कसलीही कारवाई पोलीसांना करता आलेली नाही.

याबाबत अधिक माहिती अशी,उत्तरप्रदेशातील बीजनवर जिल्ह्यातून आलेले तीन बोगस दातांचे

डॉक्टर गेल्या कांही दिवसापासून राधानगरी येथे माळकर यांच्या भाडोत्री घरी वास्तव्यास आहेत.ते

दररोज खेडेगावात घरोघरी जावून ज्या लोकांचे दात पूर्वीच काढले आहेत किंवा पडले आहेत अशा

रुग्णांना अँक्रेलीकचे दात बसवून देणे व त्यासाठी ते दोनशे- चारशे रुपयांपासून लोकांच्या आर्थिक

स्थिती नुसार मिळेल त्या पध्द्तीने पैसे घेत होते.त्यासाठी लागणारेे दात दिल्लीहून विकत आणून ते

बसवतात यासाठी त्याच्याकडे कोणतीही पदवी नाही. किंवा कसलाही परवाना नाही.

त्यामूळे हे अत्यंत असुरक्षित आहे.दात संवेदनशील भाग असल्याने त्यासाठी वापरल्या जाणाऱ्या कमी

दर्जाच्या औषधामूळे व केमिकल्समूळे कँन्सर सारखे भयानक रोग होण्याची काही डॉक्टर्स व त्यांचे

समर्थक व्यक्त करतात.तशी संबंधित डॉक्टरची तक्रार असल्याने पोलीसांनी त्यांना ताब्यात घेतले आहे.

यामधील हरप्रीतसिंग तारासिंग राठोड,( रा.राहूनगरी,जि. बीजनवर,उत्तरप्रदेश ) याचे आजोबा हा व्यवसाय

आपल्या गावी करत होते.त्याचे शिकून आपण हा व्यवसाय करत असल्याचे त्याने सांगितले.आपण हा

व्यवसाय पोटासाठी करत असून लोकांना कमी पैशात आपण सेवा देत असल्याचे सांगतो.यामध्ये कांही

गैर नसल्याचेही तो सांगतो.त्याचा हा व्यवसाय वडीलोपार्जित असल्याचे ते सांगतात. आपण उपचार

केलेल्या रुग्णांची आजपर्यंत कोणतीही तक्रार नाही. कोणतेही ऑपरेशन, भूल, सुई, टाका, ब्लेडचा वापर

न करता गोरगरिबांना परवडेल अशा मोबदल्यात आपण ही सेवा देतो असे त्याने सांगितले.

गेल्या कांही दिवसापासून तरनसिंग गुरुदत्तसिह कापसे, रमनजीतसिह जापानसिह गौड, हरप्रीतसिह

तारासिह राठोड हे तिघे राधानगरी,मुदाळ तिट्टा परिसरात फिरत होते.या परिसरातील खाजगी प्रॅक्टिस

करणाऱ्या एका डॉक्टरच्या सांगण्यावरून सोमवारी दुपारी पकडून मुरगूड पोलीस ठाण्यात आणले.पण

त्याच्याबद्दल तक्रार देण्यासाठी कोणीही वैद्यकीय अधिकारी पुढे आले नाहीत.त्यामुळे मुरगूड पोलिसांनी

अद्याप त्याच्याबद्दल गुन्हा नोंद केला नसून पोलीस काय कारवाई करतात याकडे सर्वांचे लक्ष लागले

आहे.

Posted By CRIME DIARY

प्रतिनिधी - संदीप पोवार

आज दुपारी दि २१/०३/२०१७ रोजी दुपारी १२ ते २ च्या सुमारास महावीर कॉलेज समोरच्या बसेरा हॉटेल मागील  संकल्प प्रियद अपार्टमेंट येथे राहणाऱ्या सागर मोहन मगदूम वय ४४ यांच्या  बंद फ्लॅटमध्ये घरफोडी झाली आहे -यात  सुमारे 5 लाखांचा ऐवज लंपास चोरांनी लंपास केला आहे चोरीला गेलेल्या मालमध्ये २२२ ग्राम सोन्याचे दागिने व रोख चाळीस हजार रकमेचा समावेश आहे
   सागर मगदूम हे त्यांच्या पत्नी व मुलासह बाहेर गेले असताना अज्ञात चोराने बंद फ्लॅटच्या दरवाजाचे लैच लॉक तोडून तसेच बेडरूममधील ड्रॉवर व कपाटाचे कुलूप उचकटून चोरी केली आहे, या प्रकरणाची नोंद शाहूपुरी पोलीस स्टेशनमध्ये झाली असून पो नि प्रवीण चौगुले पुढील तपास करत आहेत 

Posted By CRIME DIARY

प्रतिनिधी - सर्जेराव पोवार
दि १९/०६/२०१३ रोजी लक्षमीपुरी प्रभात टायर्स येथे एका महिलेचा खून झाला होता त्याप्रकरणी पोलिसांनी संशयित म्हणून दिलीपसिंग लहरीया याला अटक करून त्याच्यावर खटला चालवला होता त्यात संशयित सिरीयल किलर दिलीपसिंग लहरीया याची तिसर्याहि खून आरोपातून निर्दोष मुक्तता करण्यात आली आहे , याप्रकरणी सरकार पक्षातर्फे ७ साक्षीदार तपासण्यात आले तर आरोपीचे वकील ऍड दत्ताजी कवाळे यांनी युक्तिवाद करताना आरोपीचे विरुद्ध खून प्रकरणी कोणताही सबळ प्रत्यक्षदर्शी पुरावा नाही तसेच पोलिसांनी त्यांचे नेहमीचेच साक्षीदार नोंदवल्याचे कोर्टाच्या निदर्शनास आणून दिले हा युक्तिवाद ग्राह्य धरत  जिल्हा व सत्र न्यायाधीश आर जी अवचट यांनी आरोपी लहरीया याची निर्दोष मुक्तता केली , यापूर्वीही शाहूपुरी पोलिसांनी दाखल केलेल्या दोन खून खटल्यातून आरोपी लहरीया याची निर्दोष मुक्तता झालेली आहे  

Posted By CRIME DIARY

प्रतिनिधी संदीप पोवार

काल रात्री कसबा बावडा येथील शिये टोल नाक्याजवळ महिंद्रा XUV रजि. क्र. MH14 DE 7878 या कारचा अपघात घडला अपघातात कोणी जखमी झाले नाही पण कारचे पुढील भागाचे फार मोठे नुकसान झाल्याचे दिसून येते अपघातानंतर क्रेनच्या सहाय्याने कार त्वरित हलविण्यात आली

Posted By CRIME DIARY

   

      गर्भलिंग निदान व स्त्री भृणहत्या या प्रकरणी सध्या संपूर्ण महाराष्ट्र ढवळून निघाला आहे विधिमंडळातही याचे पडसाद उमटले ,मंत्र्यानी दोषींवर कडक कारवाईच्या सूचना दिल्या आहेत सांगली जिल्ह्यातील म्हैशाळमधील अवैध गर्भपात केंद्राचा पर्दाफाश झाल्यानंतर खडबडून जाग्या झालेल्या आरोग्य विभागाने राज्यातील विविध रुग्णालयांवर धाड टाकण्यास सुरुवात केली आहे.
          गर्भपात करण्यासाठी लागणारी औषधे MTP किट सहसा कोणत्याही औषध दुकानात मिळत नाहीत ती शक्यतो हॉस्पिटलमधील दुकानातच मिळतात , पण याबरोबरच अश्या MTP किटची ऑनलाईन फार्मसीवर मात्र बिनधास्तपणे विक्री सुरु आहे,

         ज्यापद्धतीने एखादा मोबाईल सहज खरेदी करावा त्याप्रमाणे ऑनलाईन फार्मसी वर MTP किट घरबसल्या आरामात विकत मिळू शकतात, सोबत वेबसाईटचे फोटो दाखवले आहेत काही वेबसाईटवर डॉक्टरांचे प्रिस्क्रिप्शन अपलोड करावे लागते पण कॉम्प्युटरवर असे बोगस प्रिस्क्रिप्शन तयार करून अपलोड केले जाऊ शकते,अधिकाधिक विक्री करून नफा मिळवण्याच्या मागे लागलेल्या अश्या ऑनलाईन फार्मसीवर सध्या सरकारचे कोणतेही नियंत्रण नसल्याचे दिसून येत आहे

            प्रशासनाने अश्या ऑनलाईन फार्मसीवरसुद्धा विक्रीला निर्बंध घालून कारवाईची गरज आहे अन्यथा अवैध गर्भपात कारवाई म्हणजे दरवाजा उघडा न्हाणीला बोळा असे म्हणण्याची वेळ येईल

Posted By CRIME DIARY

बाबासो जाधव यांचेकडून -

पन्हाळा बुधवार पेठ येथे पजेरो स्पोर्ट्स MH09 DA 3848  या कारला अपघात झाला आहे , सकाळी सुमारे ७ च्या सुमारास भरधाव वेगाने चाललेल्या कारचालकाचे नियंत्रण सुटल्याने कार पलटी होऊन हा अपघात झाला आहे , कारचा वेग इतका जास्त होता कि रस्त्याच्या कडेला असलेल्या विजेच्या खांबाला गाडी धडकून हा खांब मोडला व गाडी रस्त्याच्या खाली जाऊन पलटी झाली,पजेरो स्पोर्ट्स कारचे  अपघातात प्रचंड नुकसान झाले आहे

सुदैवाने शेजारील घरातील कोणीही व्यक्ती किंवा लहान मुले यावेळी घराबाहेर नव्हती नाहीतर फार मोठी दुर्घटना घडली असती , या कारमधील दोन जखमी व्यक्तींना पुढील उपचारासाठी हॉस्पिटलमध्ये हलवल्याचे समजते 

Posted By CRIME DIARY

प्रतिनिधी - संदीप पोवार
कसबा बावड्यात आज संध्याकाळी डी वाय पाटील इंजिनिअरिंग कॉलेजकडून येणारी स्विफ्ट कार व बावडयाकडून शाहूपुरी,कोल्हापूरकडे निघालेला टाटा टेम्पो यांची धडक होऊन यात स्विफ्टचे फार मोठ्या प्रमाणात नुकसान झाले आहे ,सुदैवाने कोणीही जखमी झाले नाही

Posted By CRIME DIARY

प्रतिथयश साप्ताहिक क्राईम डायरी व साप्ताहिक शांती टाइम्स साठी
 वार्ताहर ,प्रतिनिधी व स्वतंत्र लिखाण क्षमता असणारे पाहिजेत ,

पात्रता - वृत्तपत्र विद्या पदवी किंवा पदविका , किमान 12वी पास ,इच्छुकांनी आजच संपर्क करावा
संपादक - बाबासो जाधव
मोबाईल न. 8999332700

                 9822299904

टीप - सध्या इतर वृत्तपत्रात वार्ताहर असणारे सुद्धा आमच्या साप्ताहिकास बातम्या पाठवू शकतात

Posted By CRIME DIARY

Dnyanraj Patil Chief Reporter              जयपूर येथील रजपूत करणी सेनेच्या कार्यकर्त्यांनी पद्मावती सेट जाळपोळ व हल्ल्याची जबाबदारी स्वीकारली आहे. या अनुषंगाने पोलिसांनी कोल्हापूर शहर, रजपूतवाडी व उचगाव येथे रजपूत समाजातील रजपूत करणी सेनेशी संलग्न असणार्या येथील कार्यकर्त्यांची माहिती घेऊन त्यांच्याकडे चौकशी सुरू केली आहे
कार्यकर्त्यांना  चौकशीसाठी ताब्यात घेत त्यांचे मोबाईल लोकेशनही तपासले. या आठ दिवसांत त्यांचा मोबाईलवर कोणाकोणाशी संपर्क झाला आहे, त्याचे कॉल डिटेल्स मोबाईल कंपन्यांकडे मागवले आहेत. रजपूत करणी संघटनेने हल्ल्याची जबाबदारी स्वीकारली असली तरी कोल्हापुरातील स्थानिक एकाही कार्यकर्त्याने त्यासंबंधी कबुली दिलेली नाही.
रजपूत करणी सेनेचा दावा साशंक वाटत आहे

Posted By CRIME DIARY

Dnyanraj Patil - Chief Reporter

            वाहनचालकाकडे गाडीची कागदपत्रं मागू नयेत, असे आदेश वाहतूक पोलीस सहआयुक्त मिलिंद भारंबेंनी दिलेत.मुंबईतील वाहतूक पोलिसांनी वाहतुकीच्या नियंमांचे पालन करणं आणि मुंबईतील वाहतुकीमध्ये शिस्त आणणं अपेक्षित असून त्यांनी आरटीओतर्फे देण्यात येणारी पीयुसी, विमा, ग्रीन टॅक्ससारख्या कागदपत्रांची तपासणीकरिता वाहनधारकांकडे मागणी करू नये असा कार्यालयीन आदेशच मुंबई पोलिसांनी काढला आहे. अश्या प्रकारचा मेसेज सर्वत्र सोशल मीडियावर फिरत आहे

               यामागील सत्य जाणून घेण्याचा प्रयत्न केला असता फक्त  पीयुसी, विमा, ग्रीन टॅक्स याच कागदपत्रांना सूट आहे पण वाहनचालकाला वाहनचालक परवाना,वाहनाचे रजिस्ट्रेशन कागदपत्रे दाखवणे अनिवार्य आहे कारण  या मेसेजचा चुकीचा अर्थ काढून ट्राफिक पोलिसांना कोणतीच कागदपत्रे तपासण्याचे अधिकार नाहीत हा जो गवगवा केला जात आहे तो कायदा व सुव्यवस्थेच्या दृष्टीने घातक आहे , नुकतीच कोल्हापूर ट्राफिक पोलिसांच्या दक्षपणामुळेच 50 च्यावर चोरीच्या मोटारसायकल हस्तगत करण्यात यश आले होते , जर ट्राफिक पोलिसांनी वाहनचालकांना हटकले नसते तर हि घटना उघडकीस आलीच नसती त्यामुळे वाहनचालकांची कागदपत्रे तपासण्याचा अधिकार हा RTO च्या बरोबरीने ट्राफिक पोलिसांनाही आहे त्यात फक्त पीयुसी, विमा, ग्रीन टॅक्स यांसारख्या कार्यालयीन कागदपत्रांना सूट आहे 

Posted By CRIME DIARY

प्रतिनिधी - संदीप पोवार
चौदा वर्षांच्या अल्पवयीन मुलीला फूस लावून पळवून नेऊन वेश्या व्यवसाय करण्यास भाग पाडणे, लैंगिक अत्याचार करणे यासाठी तिघांना शाहूपुरी पोलिसांनी अटक केली आहे.शाहूपुरी पोलीस स्टेशनचे चे पोलीस निरीक्षक प्रवीण चौगुले यांनी दिलेल्या माहितीनुसार चौदा वर्षांची पीडित अल्पवयीन  मुलगी विक्रमनगर,कोल्हापूर येथे आईसोबत राहते.तिला वडील नाहीत. आई मार्केट यार्ड येथे मोलमजुरी करते. काही वेळा ही मुलगी आईसोबत कामाच्या ठिकाणी येते. १७ फेब्रुवारी रोजी आईने किरकोळ कारणावरून रागावल्याने नाराज होऊन मुलगी सांगलीला जाण्यासाठी मध्यवर्ती बसस्थानकात गेली रिक्षातून जाताना स्नेहा पटेल या महिलेबरोबर तिची ओळख झाली.स्नेहाने तिला विश्‍वासात घेऊन तिच्या एकटेपणाचा व असाह्ययपणाचा फायदा घेत तिला आपल्या घरी सांगलीला नेले दोन दिवस घरात ठेवून त्यानंतर तिला एका तरुणाबरोबर शारीरिक संबंध ठेवण्याची जबरदस्ती केली. त्यातून मिळणार्‍या 3 हजार रुपयांपैकी 1500 रुपये तुला देतो, असे सांगितले होते. मुलगी नकार देत असतानाही जबरदस्तीने तिला शरीरसंबंध ठेवण्यास भाग पाडले. त्यानंतर आणखी दोन तरुणांकडे पाठवून दिले होते.आणखी पाच ते सहा तरुणांनी अल्पवयीन मुलीवर अत्याचार केला व स्नेहाने पैसे मिळवले याप्रकरणी सूरज रमेश काळे ,लोकेश जाधव ,सचिन ऊर्फ बबलू बलदवा हे साहाय्य करत होते तसेच तिला वेश्या व्यवसाय करायला लावून त्याद्वारे तिला फक्त जेवण व कपडे दिले जात होते.मुलीस पुण्याला विकण्याचा त्यांचा कट होता, हे त्या मुलीस समजल्यावर ती घरातून बाहेर पळून आली. त्यावेळी तिचा पाठलाग करून मोटारसायकल अंगावर घालण्याचा प्रयत्न केला . हा प्रकार रस्त्यावरील लोकांच्या लक्षात आल्यानंतर लोकांनी पोलिसांत तक्रार दिली. पीडित मुलीस सांगली पोलिसांच्या ताब्यात दिले. त्यानंतर तिला कोल्हापुरात आणले. तिला पळवून नेऊन वेश्या व्यवसाय करण्यास भाग पाडणे, अत्याचार करणे या कलमान्वये सहा जणांवर गुन्हा दाखल झाला आहे. त्यातील या सूरज रमेश काळे (वय २१, रा. कुपवाड, जुना बुधगाव रोड, मिरज), लोकेश ऊर्फ आकाश लक्ष्मण जाधव (वय २१, रा. कुपवाड एमआयडीसी), सचिन  जुगलकिशोर बलदवा (वय ३८, रा. उल्हासनगर, मिरज, सांगली)  तिघांना शाहूपुरी पोलिसांनी अटक केली आहे.
पुढील तपास सहायक पोलीस निरीक्षक देशमुख हे शाहूपुरी पोलीस स्टेशनचे पोलीस निरीक्षक प्रवीण चौगुले यांच्या मार्गदर्शनाखाली करत आहेत 

Posted By CRIME DIARY

by -DNYANRAJ PATIL - KOLHAPUR
राजस्थानमध्ये या चित्रपटाच्या चित्रीकरणादरम्यान करणी सेनेने  संजय लिला भन्साळी यांना मारहाण केली होती. तसंच शूटिंग करण्यास मनाई केली होती म्हणून कोल्हापूरच्या शांत व शूटिंगला अनुकूल अश्या वातावरणाची निवड करत मागील काही दिवसांपासून कोल्हापूरच्या मसाई पठारावर ‘पद्मावती’ सिनेमाचं शूटिंग सुरु केले होते मंगळवारी (१५ मार्चला) काही अज्ञातांनी मसाई पठारावर रात्रीच्या अंधाराचा फायदा घेत हल्लाबोल केला आणि याठिकाणी उभारण्यात आलेल्या चित्रपटाच्या सेटला आग लावली. जाळपोळ आणि दगडफेकीच्या घटनेनंतर पोलिसांनी तपास सुरु केला आहे.
   पण या निमित्ताने सोशल मीडियावर काही मेसेजही फिरत आहेत खरोखरच आग लागली का लावली ?

चित्रपटाला प्रसिद्धी मिळवण्यासाठी व इन्शुरन्सचे पैसे लाटण्यासाठी हा उपद्याप केला का ?
शांत आणि कलाप्रेमी कोल्हापुरात अशी घटना खरोखर समाज कंटकांनी घडवली का ? हा एक पब्लिसिटी स्टंट आहे ?
बाहेरून आलेले लोक एवढ्या मोठ्या जाळपोळ आणि दगडफेक घडवू शकतात काय ?
चित्रीकरणाची व पोलीस संरक्षणाची परवानगी काढली होती काय ?
कोल्हापूरच्या कलानगरीला या निमित्ताने कलंक लागला हे नक्की !

Posted By CRIME DIARY

प्रतिनिधि - संदीप पोवार

पन्हाळा, कळे, वडगाव, वाळवा आदी भागात वाहनांच्या चोर्या आणि घरफोड्या करणार्या व
हातकणंगले, वाळवा, पन्हाळा या तीन तालुक्यात धुमाकूळ घालणार्या दोघा अट्टल चोरट्यांना जेरबंद करण्यात आले. सूरज ऊर्फ सनी ऊर्फकैलास सर्जेराव दबडे (वय २0, रा. साखरवाडी वाठार) आणि अतुल पांडुरंग चौगुले (वय १९, रा. येडेनिपाणी, ता. वाळवा) अशी त्यांची नावे असून त्यांच्याकडून मोटारसायकली, मोबाईल हॅण्डसेट आणि सोन्या-चांदीचे दागिने असा साडेचार लाखाचा मुद्देमाल जप्त करण्यात आला आहे.

वडगाव-वाठार मार्गावर  एका मोटारसायकलवरुन दोघेजण येत असताना त्यांना पोलीसांकडुन संशयावरुन ताब्यात घेण्यात आले. पोलिसी खाक्या दाखवताच पन्हाळा, कळे, वडगाव, वाळवा आदी भागात वाहनांच्या चोर्या आणि घरफोड्या केल्याची कबुली दिली. त्यांच्याकडून हिरोहोंडा स्प्लेंडर, सीडी डिलक्स अशा दहा मोटारसायकली, २0 मोबाईल हॅण्डसेट, एक लॅपटॉपसह सोन्या-चांदीचे दागिने असा ४ लाख ४६ हजार ७९0 रुपयांचा मुद्देमाल हस्तगत करण्यात आला आहे. दोघांनाही न्यायालयासमोर हजर केले असता १६ पर्यंत पोलीस कोठडी सुनावण्यात आली. वडगावातील तीन व कळे येथील दोन घरफोड्या उघडकीस आल्या आहेत.

स्थानिक गुन्हे शाखेचे सपोनि संतोष डोके व वडगाव पोलीस ठाण्याचे पोनि धनंजय जाधव यांच्या संयुक्त पथकाने ही कारवाई केली.

Posted By CRIME DIARY

को्ल्हापूर :मध्यवर्ती बस स्थानक परिसरातील व शाहूपुरी पोलीस स्टेशनजवळील  महालक्ष्मी चेंबर्स येथील पूजा एंटरप्रायजेस या चष्मे तयार करणार्‍या दुकानात चोरट्यांनी रविवारी रात्री चोरी केली.चष्म्याच्या काचा कटिंगचे व चष्मे तयार करण्याचे  सुमारे एक लाखाचे ऑटोमॅटिक मशीन पळवले. याबाबत दुकानमालक विजय उब्रीयांनी (वय ४८, रा. कारंडे मळा) यांनी शाहूपुरी पोलीस ठाण्यात फिर्याद दाखल केली.हे मशीन माहितगार चोरट्यानीच पळवले असावे .महालक्ष्मी चेंबर्समध्ये चोरी झाल्याने खळबळ उडाली आहे कारण हा वर्दळीचा परिसर असून समोरील रिक्षा स्टॉप वर वाहतूक पोलीस २४ तास तैनात असतात, तसेच पोलिसांची गस्तही असते तरीपण चोरटयांनी चोरी करून पोलिसांना आव्हान दिले आहे 

Posted By CRIME DIARY

प्रतिनिधी - संदीप पोवार

        वर्षा शहाजी देठे हि महिला शनिवारी दुपारी १ वाजण्याच्या सुमारास कोल्हापूर-रत्नागिरी बसमध्ये बसताना  त्यांची पर्स चोरीला गेल्याचे लक्षात आले.  शनिवारी दुपारी कोल्हापूर मध्यवर्ती बसस्थानकात कोल्हापूर-रत्नागिरी एस.टी. बसमध्ये हा प्रकार घडला.एस. टी. बसमध्ये सीट मिळवण्यासाठी खिडकीतून सीटवर ठेवलेली पर्स चोरट्याने लंपास केली. पर्समधील सोन्याचा नेकलेस, गंठण व नथ, मोबाईल व रोख रक्कम असा सुमारे एक लाख रुपयांचा ऐवज चोरीस गेला आहे.
  वर्षा शहाजी देठे (रा. मूळ पंढरपूर, सध्या देवरूख, ता. संगमेश्‍वर, रत्नागिरी) यांनी शाहूपुरी पोलिसांत तक्रार दिली आहे.

CRIME DIARY KOLHAPUR NEWS PURSE SNATCHING

Posted By CRIME DIARY

प्रतिनिधि - संदीप पोवार

दि २८/०२/२०१७ रोजी HDFC बँक च्या पार्किंगसमोरून हिरो कंपनीची प्लेजर गाडी चोरीला गेली आहे ,चोरीची तक्रार आज दि ११/०३/२०१७ रोजी शाहूपुरी पोलीस स्टेशनला नोंद झाली आहे , प्रीती शंकर जोशी वय ३० रा.आर के नगर कोल्हापूर यांच्या मालकीची हिरो प्लेजर रंग काळा क्रमांक MH09 BQ 9226 हि अज्ञात चोराने डुप्लिकेट चावीचा वापर करून पळवून नेल्याचा गुन्हा नोंद करण्यात आला आहे
शाहूपुरी पोलीस ठाण्याचे निरीक्षक प्रवीण चौगुले यांच्या मार्गदर्शनाखाली पोलीस पुढील तपास करत आहेत 

crime diary kolhapur news

Posted By CRIME DIARY

भिवंडी दि.१० ( वेंकटेश रापेल्ली  ) तालुक्यातील कोनगांव पोलीस ठाण्याच्या हद्दीतील पिंपळास व रांजणोली गावतील गोदामातून आंतरराज्यीय दरोडेखोरांच्या टोळीने तब्बल 85 लाख 32 हजार 682 रुपयांचे डेल कंपनीचे लॅपटॉप व 86 आयफोन कंपनीचे मोबाईल लंपास केल्याची घटना घडली होती. याचा चोरीचा कोनगाव पोलिसांनी मोठ्या शिताफीने तपास करून या गुन्ह्यातील 10 दरोडेखोरांना जेरबंद करीत त्यांच्याकडून चोरीला गेलेले मोबाईल आणि लॅपटॉप साहित्य जप्त करीत या गुन्ह्यात वापरलेले दोन वाहनही जप्त करण्यात आल्याची माहिती भिवंडीचे पोलीस उपायुक्त मनोज पाटील यांनी पत्रकार परिषदेत दिली. भिवंडीच्या ग्रामीण परिसरात शेकडो गोदामे असून या गोदामात लाखोंच्या संख्येने कामगार काम करीत आहेत. अश्याच पिंपळास गावातील प्रों.कनेक्ट सप्लाय सोलुसन्स लिमिटेड कंपनीच्या गोदामातून 10 जानेवारी 2017 रोजी रात्रीच्या सुमाराला गोदामातील वाचमन राजकुमार बेहरा याचे हातपाय बांधून गोदामाचे शटर तोडून 41 लाख 58 हजार रुपये किमंतीचे 90 आयफोन मोबाईल,19 हजार 228 रुपयाचे आयपेड 1 व 42 हजार 262 रुपयाचे चार्जर 40 नग असा 42लाख 19 हजार 490 रुपये किमंतीचे साहित्य दरोडेखोरांनी पळविले होते.याप्रकरणी गोदाम चालक राजेश नादत यांच्या फिर्यादीवरून पोलिसांनी तपास सुरु केला होता.तसेच रांजणोली गावतील डीएचएल सप्लाय चैन इंडिया प्रा.ली.या गोदामात 25 जानेवरी रोजी 39 लाख 57 हजार 750 रुपचे डेल कंपनीचे तब्बल 76 लॅपटॉप दरोडेखोरांनी लंपास केले होते. कोनगाव पोलीस ठाण्याच्या हद्दीतील गोदामात मोठ्या प्रमाणात दरोडा पडल्यामुळे पोलीसांपुढे काही धागेदोरे नसताना या दोन्ही गुन्ह्यातील तपासाला पोलीस उपायुक्त मनोज पाटील, व कोनगावचे वरिष्ठ पोलीस निरीक्षक मंगेश सांवत यांच्या मार्गदशनाखाली गुन्हे शाखेचे पोलीस निरीक्षक व्ही.के.देशमुख,पोलीस उपनिरीक्षक पवन नांद्रे यांच्या पथकाने तपास सुरु केला असता तपासात दरोडा टाकणारे दुसरे कोणी नसून या गोदाम परिसरात ड्रायव्हर, हमाल व अन्य मजुरीचे काम करणारे कामगार असल्याची पक्की खबर या पथकाला मिळाल्याने त्यांनी कर्नाटक राज्यातील संतोष उर्फ माळ्या गंगाराम चौहान (30) याला ताब्यात घेण्यासाठी स्थानिक पोलिसांच्या मदतीने 17 जानेवारी रोजी गेले असता त्याने व त्याच्या पत्नीने पोलीस पथकावर जीवघेणा हल्ला केला होता. याप्रकरणी कर्नाटक राज्यातील शोपूर या स्थानिक पोलीस ठाण्यात कलम 307 अंतर्गत गुन्हा दाखल करीत त्याला मोठ्या शिताफीने ताब्यात घेवून अटक केली. त्याने पोलिसांना गुन्ह्याची कबुली देत 9 साथीदारांच्या मदतीने हा दरोडा टाकल्याची कबुली दिली. त्या माहितीनुसार आणखी आरोपी निष्पन झाल्याने पोलीस पथक पुन्हा कर्नाटकातील यादगीर जिल्हातून पुरू उर्फ भूता राठोड, (24) संतोष राठोड (19) आनंद राठोड (20) आणि रोशन राठोड उर्फ रोशनकुमार प्रसाद (20) अश्या चार आरोपींना अटक करून त्यांच्याकडून दरोड्यातील चोरीला गेलेले साहित्य जप्त करीत गुन्ह्यातील वापरलेले वाहनही जप्त केले .तर पोलीस उपनिरीक्षक पवन नांदे यांच्या पथकाने या गुन्हातील आरोपीना कर्नाटक राज्यात जावून जेरबंद केले. यामध्ये आरोपी शरणप्पा उर्फ शरनू, ड्रायव्हर (31 ) गेनुसिंग चव्हाण (39) संजय कुमार उर्फ मुन्ना बाबू कुळा (38) आणि किरण श्रीनिवास चव्हाण ( 27 ) अशा एकूण दहा दरोडेखोरांना अटक करून त्यांचाकडून चोरीला गेलेले साहित्य जप्त करण्यात आले आहे. या गुन्हातील अटक आरोपी हे सराईत गुन्हेगार असल्याचे पोलीस तपासात निष्पन्न झाले असून त्यांनी इतरही ठिकाणी दरोडे टाकले असावेत यादृष्टीने पोलिसांनी तपास सुरु केला असून या दोन्ही गुन्ह्यात तब्बल 15 ते 20 दरोडेखोर असण्याची शक्यता पोलीस उपायुक्त मनोज पाटील यांनी व्यक्त केली आहे.

Posted By CRIME DIARY