प्रतिनिधी - संदीप पोवार

शिवजयंती मिरवणुकीत  डाॅल्बी लावल्या प्रकरणी संयुक्त कसबा बावडा मंडळावर काल रात्री उशिरा शाहुपूरी पोलीसांनी कारवाई केली.
काल रात्री संयुक्त कसबा बावडा मंडळाने डाॅल्बी परवानगी नसताना सुद्धा मोठ्या आवाजात डॉल्बी लावून मिरवणूक काढली होती. 
शाहुपूरी पोलिस ठाण्यातील पोलीस निरीक्षक प्रवीण चौगुले यांनी मंडळातील कार्यकर्त्यांना डाॅल्बी बंद करा अशा वारंवार सुचना देऊन सुध्दा मंडळातील कार्यकर्ते ऐकत नव्हते
म्हणून रात्री साडे अकराच्या सुमारास भगवा चौक येथे त्यांनी आपल्या पोलिस  कर्मचाऱ्यांना डाॅल्बी जप्त करण्याचे आदेश दिले.
त्या आदेशानुसार पोलिसांनी डाॅल्बी जप्त करत असताना  ट्रॉली तेथेच ठेऊन ट्रॅक्टर घेऊन मंडळातील काही कार्यकर्ते निघून गेले.
काही वेळाने स्वतः पोलिसांनी वाहनाची व्यवस्था करून डाॅल्बी नेत असताना कार्यकर्ते वाहनाच्या समोर बसून राहिले असता पोलिसांना थोडा लाठीमार करावा लागला
आणि त्यांनी डाॅल्बी शेवटी जप्त करून पोलिस ठाण्यात आणून लावला. रात्री उशिरापर्यंत गुन्हा नोंद करण्याचे काम चालू होते.

Posted By CRIME DIARY

प्रतिनिधी - सर्जेराव पोवार

मित्राला मारहाण का केलीस, याचा जाब विचारण्यास गेलेल्या तरुणास अपार्टमेंटच्या तिसर्‍या मजल्यावरून ढकलून त्याचा खून केला. गजानन महाराजनगरातील स्वाती विहार अपार्टमेंटमध्ये बुधवारी मध्यरात्री ही घटना घडली. अमित सुनील दावणे (वय २३, रा. बी वॉर्ड, घर नं. १८६९, वारे वसाहत) असे मृत तरुणाचे नाव आहे. 

या खून प्रकरणी श्रीराम कोगनोळीकर (वय ४५, रा. स्वाती विहार अपार्टमेंट) याच्यावर जुना राजवाडा पोलीस ठाण्यात गुन्हा दाखल झाला असून गुन्हा घडल्यापासून तो कुटुंबीयांसह घरातून पसार झाला आहे.

अमित सुनील दावणे (वय २३, रा. वारे वसाहत) याला त्याचा मित्र सागर टिपुगडेने फोन करून वाद मिटवण्यासाठी व जाब विचारण्यास बोलवून घेतले. बुधवारी रात्री ११.३0 वाजता अमित गजानन महाराजनगरात पोहोचला. सागर व अमित हे दोघे कोगनोळीकर यांच्या घरात जाब विचारण्यास गेले.

अमित दावणे याने सागरला का, मारलेस असा जाब कोगनोळीकरला विचारला. त्यावेळी त्यांच्यात शाब्दिक वाद झाला. 'या प्रकरणात तुझा काय संबंध,' असे म्हणून श्रीराम कोगनोळीकर यांनी अमितला ठोसा मारून स्वाती विहार अपार्टमेंटच्या तिसर्‍या मजल्यावरून ढकलून दिले. तिसर्‍या मजल्यावरून खाली डोक्यावर पडल्याने अमित दावणे गंभीर जखमी झाला. सागर टिपुगडे यांनी तातडीने रिक्षातून अमितला रात्री १२.१५ वाजता सीपीआर रुग्णालयात दाखल केले. उपचार सुरू असताना रात्री १२.४५ वाजता अमितचा मृत्यू झाला.

Posted By CRIME DIARY

प्रतिनिधी : सर्जेराव पोवार

कोल्हापूरात मोबाईल उधारीवरुन जीवे मारण्याची धमकी देणाऱ्या विरुद्ध जुना राजवाडा पोलीस ठाण्यात गुन्हा दाखल करण्यात आले आहे.
वल्लभ जमखंडीकर वय 19(रा. देवकर पाणंद, कोल्हापूर) या संशयिताचे विरुद्ध विश्वजित पाटील वय  26 (रा. सडोली खालसा, सध्या गीतगोविंद अपार्टमेंट, साईक्स एक्स्टेंशन, राजारामपुरी) यांनी फिर्याद दाखल केली आहे. 
विश्वजित पाटील यांचे राजारामपुरीतील पहिल्या गल्लीत मोबाईल विक्रीचे दुकान आहे.
वल्लभ जमखंडीकर आणि त्याच्या पत्नीने मार्च  व एप्रिल महिन्यात पाटील यांच्या दुकानातील कामगाराच्या ओळखीने सुमारे 1 लाख 75 हजारांचे सॅमसंग कंपनीचे मोबाईल उधारीवर नेले होते आणि  त्यापोटी 1,75,450 रुपयांचा चेक दिला होता. दिलेल्या तारखेला चेक वटला नाही. त्यामुळे पाटील यांनी जमखंडीकर यांच्याकडे पैसे मागितले असता जमखंडीकर आणि त्याच्या पत्नीने पैसे मागितले म्हणून त्यांना जीवे मारण्याची धमकी दिली. त्यानंतर पाटील यांनी वल्लभ जमखंडीकर विरोधात जुना राजवाडा पोलीस ठाण्यात  फसवणूक करून जीवे मारण्याची धमकी दिल्याची फिर्याद आजरोजी दि 25 एप्रिलला दिली आहे.

Posted By CRIME DIARY

प्रतिनिधी - संदीप पोवार

नुकतेच झालेल्या भोगावती कारखाना निवडणूक निकालावरून भांडण काढून काचेचा ग्लास कपाळावर मारून व डोक्यात बिअरच्या बाटल्या फोडून एकाने जखमी केलं आहे.
        याबाबत अधिक माहिती अशी की कोल्हापुरातील हॉटेल पाटलाचा वाडा (कलेक्टर अॉफिस जवळ) येथे फिर्यादी शिवराज रमेश सावंत ( रा. कमला काॅलेज जवळ  टाकाळा) हा मित्रा सह बिअर पित असता त्याला मोबाईलवर कॉल आला व संबंधिताशी भोगावती कारखाना निवडणूक निकाल हा पी.एन.पाटील यांच्या बाजूने लागला आहे, त्यांचे पॅनेल एकहाती निवडून आले आहे असे संभाषण करत असताना हॉटेलमध्ये आलेल्या अमित शहा ( पत्ता माहिती नाही) याला राग आला व त्याने बातमी वरून भांडण काढून काचेचा ग्लास व शिवराज याच्या डोक्यात बिअरच्या चार बाटल्या फोडल्यानंतर डोक्यातून मोठय़ा प्रमाणात रक्तस्राव झाल्याने तो जमिनीवर पडला. त्यानंतर काही तरुणांनी रिक्षातून शिवराज यांना तातडीने सीपीआर रुग्णालयात दाखल केले.शिवराज सावंत गंभीर जखमी झाला असून, त्याच्यावर सीपीआर रुग्णालयात उपचार सुरू आहेत.

हाॅटेल पाटलाचा वाडा मधील या मारहाणीचा गुन्हा शाहूपुरी पोलिसांत दाखल करण्यात आला असून तपास पोलीस नाईक सुभाष कांबळे करत आहेत.

Posted By CRIME DIARY

प्रतिनिधी - सर्जेराव पोवार

मिरज-पंढरपूर मार्गावरील अपघातातील मृतांची नावे :

विनायक मार्तंड लोंढे (वय ५०),
गौरव राजू नरदे (वय ९),
लखन राजू संकाजी (वय ३०),
रेणुका नंदकुमार हेगडे (वय ३५),
नंदकुमार जयराम हेगडे (वय ४०),
आदित्य नंदकुमार हेगडे (वय१३ )

(सर्व राहणार मागासवर्गीय गृहनिर्माण सोसायटी, कोयना कॉलनी, वळीवडे गांधीनगर, कोल्हापूर)

Posted By CRIME DIARY

     आज पहाटे 4 च्या सुमारास पंढरपूरहून देवदर्शन करून परतत असताना मिरज-पंढरपूर मार्गावर भाविकांच्या टेम्पो ट्रॅव्हलरने रस्त्यावर उभा असलेल्या वाळूच्या ट्रकला धडक दिल्याने झालेल्या अपघातात  एकाच कुटुंबातील 6 जणांचा जागीच मृत्यू झाला, तर 10 जण जखमी झाले आहेत.
        अपघातातील सर्वजण कोल्हापुरातील माले गावातील रहिवाशी आहेत.
        कवठेमहाकाळ तालुक्यातील आगळगाव फाट्याजवळ मिरज - पंढरपूर रोड वर ही घटना घडली आहे.

Posted By CRIME DIARY

प्रतिनिधी - सर्जेराव पोवार

कसबा बावडा माळी मळा येथे घरफोडी झाल्याचे उघडकीस आले असून यासंदर्भात  शाहूपुरी पोलिस ठाणे येथे गु.र.नं.व कलम - 144/17, भा द वि स कलम हृ४५४.४५७.३८०.  प्रमाणे चोरी व घरफोडीचा गुन्हा दाखल झाला आहे
         फिर्यादी नांव पत्ता-विजया माळी. व.व. ५९ धंदा -घरकाम. रा- माळी मळा शिये टाेल नाक्या जवळ निलगीरी पांणद कसबा बावडा काेल्हापुर.यांनी पोलिसांना दिलेल्या माहितीनुसार
-दि.१७/४/२०१७राेजी रात्राे ११.००वा ते दि.१८/४/२०१७राेजी सकाळी ०६.००वा चे दरम्यान मुदतीत फिर्यादीचे राहते घरी दरवाजाचे कुलूप ताेडून कडी काेयंडा उचकटून   -साेन्या चांदीचे दागिने व राेख रक्कम.असा अंदाजे
        माळी या  आपले पतीसह पर्यटनासाठी राहते घरास कुलूप लावुन दि.१४/४/२०१७ राेजी पहाटे०४.०० वाचे सुमारास गेल्या असताना वरिल नमुद तारखेस वेळी व ठिकाणी.काेणीतरी अञात चोरट्याने पाळत ठेऊन  घराचे कुलूप व कडी ताेडुन वरील वर्णनाचा माल  चाेरुन नेल्याने फिर्यादी यांनी दिले फिर्यादीवरुन वर नमुद प्रमाणे गुन्हा दाखल.झाला आहे या प्रकरणाचा पुढील तपास                           -सपाेनी जाधव करत आहेत .
              दरम्यान याच परिसरात याच चोरांनी पानपट्टी फोडल्याचे बोलले जात आहे यामध्ये सिगारेटची पाकिटे ,रोख चिल्लर रक्कम चोरीला गेली आहे पण या प्रकरणाची पोलिसात नोंद झालेली नाही .

सव्वा तिनलाखांचा मुद्देमाल;चोरून नेला 

Posted By CRIME DIARY

प्रतिनिधी - अतिश लादे

•सध्या चर्चेत असलेल्या वारणा परिसरातील पोलीस अधिकार्यांकडे सापडलेले ९ कोटी रू• आणि कायद्याचे रक्षक समजले जाणारे पोलिस खातेच जर हे असे काम करत असेल तर खाकी वर्दिच्या आत काळी कारस्थाने करणार्‍या पोलीस अधिकारी वर्गावर विश्वास ठेवायचा तरी कसा हा मोठा प्रश्न गंभीर झाला आहे, एकिकडे देशासाठी बलिदान देणारे करकरे, कामटे साहेंबासारखे अधिकारी यांच्यासारख्यांचा आदर्श पोलीस खात्यासमोर असून देखील जर ते घेवू शकत नसतील तर सर्वसामान्य जनतेची किती लूट होत असेल हा प्रश्नच पडला आहे, अशा अधिकारी वर्गामुळे प्रामाणिक पणे काम करनारे अधिकारी यांच्या कडे बघण्याचा दृष्टिकोण देखील समाजाचा बदलत चाललेला आहे, यासाठी  प्रशासनाने अशा खात्यांतर्गत गुन्हेगारी रोखण्यासाठी ठोस पाऊले उचलावी अशी जनतेतून मागणी होत आहे•

Posted By CRIME DIARY

प्रतिनिधी सर्जेराव पोवार

ताराबाई पार्क येथे राहणारे अधिकारी श्री. विठ्ठल बाबुराव  सरगर. वय.53 .रा.सोनाई. मनिष पार्क .सदर बझार  रोड , ताराबाई पार्क  या ठिकाणी राहत असून. काल सकाळी 7 ते 7:30 या दरम्यान ते फिरायला गेले असताना. त्यांच्या घरात अज्ञात  व्यक्तीने प्रवेश केला व घरातून रोख रू 2,35000/ व सॅमसंग कंपनीचा रूपये 10,000/ किमतीचा मोबाईल असा 2,45000/चा मुद्देमाल चोरला .बाहेरून फिरुन आल्यावर त्यांना ही चोरी झाल्याचे दिसून आले.

Posted By CRIME DIARY

प्रतिनिधी  ** कृष्णात हिरवे

कोल्हापूर - रत्नागिरी महामार्गावर नावली ( ता. पन्हाळा ) जवळ साय. 6 वा महामार्गावर आडवे आलेल्या वानरास वाचवण्याच्या प्रयत्नात मारुती ओम्नी वरील चालकाचा ताबा सुटून झाडावर आदळली यामध्ये कु.अजित उज्ज्वल निकम रा. बोरपाडळे वय 21 हा तरुण गंभिर जखमी झाला. तात्काळ 108 बोलावून जखमी तरुणाला सी.पी.आर.दाखल केले. पण उपचारा दरम्यान त्या तरुणाचा मृत्यू झाला रात्री उशिरा पोस्टमार्टेम करून मृतदेह नातेवाईकाच्या ताब्यात देण्यात आला.

Posted By CRIME DIARY

प्रतिनिधि - मयूर कडूसकर सा.क्राईम डायरी

बँक म्हटले कि ,पैशाची देवाण घेवाण आली,ठेवी आल्या,कर्ज वाटप आली,अशा अनेक प्रकारच्या सुविधा बँका मार्फत पुरविल्या जातात.
प्रत्येकाला पैशाची कोणत्या ना कोणत्या कारणाने गरज लागते.
कोणाला गाडी खरेदी साठी ,घर खरेदी साठी,व्यापारासाठी इ. कामासाठी प्रत्येकाला पैशाची गरज लागते.
पण आज कालच्या  आधुनिक युगामध्ये सर्व काही ऑनलाइन झाले आहे.लोकांना त्या बद्दल काही माहित नसते.कर्ज काढण्यासाठी प्रत्येक बँकाची ठराविक प्रक्रिया असते.पण त्या प्रक्रिये बद्दल कोणास काही ठाऊक नसते . अशा वेळेस माणसे एजन्ट च्या दारी जातात. एजन्ट  म्हणजे दुसरा कोणी नसून बँक प्रक्रिये बद्दल माहित।  असणारा.
एजन्ट कडून बँकांच्या मॅनेजरच्या ,कर्ज मंजूर करणाऱ्या बॉडी च्या ओळखीचा मोठं मोठ्या बतवण्या केल्या जातात. मी तुमचे त्वरित कर्ज मंजूर करतो ,वरच्या साहेबाना अमुक अमुक टक्के द्यावे लागतील अशा भूलथापा एजन्ट कडून मारल्या जातात.
बँकेत ओळख आहे असे भासवत कर्ज मंजुतीकरिता ३ टक्के ते १५ टक्के पर्यंत कमिशन एजन्ट कडून मागितले जाते.
तसे बघायला गेले तर कोणतीही बँक कोणत्याही एजन्ट ला अधिकृत पण नेमत नाही.
एजन्ट हा कर्ज ची फाइल स्वीकारतो व जशी च्या तशी बँकेच्या सेल्स एक्झिकिव्ह कडे देतो,त्या नंतर तो रीतसर फाइल बघून कर्ज मंजुरी करीता देतो. त्यात जर कर्ज मंजूर झालेसच तर कमिशन एजन्ट कडून मागितले जाते. खरेतर त्या एजन्ट चा त्यात काही रोल नसतो.
आजकाल सर्रास पण बँकांच्या नावाचा वापर हा एजन्ट च्या व्हिजिटिंग कार्ड वर केला जातो. बँकांच्या नावाखाली आपले नाव छापून पैशाची लूट सामान्य जनते कडून केली जाते.
एजन्ट  शिवाय काम होणार नाही असा भ्रम सामान्य लोकामध्ये आहे.पण तसे काही नसून लोकांनी बँकांच्या प्रक्रिये बददल जाणून घेतले पाहिजेत.कोणत्याही एजन्ट च्या भूलथापा ना बळी पडता कामा नये.
एजन्ट कडून होणाऱ्या अशा प्रकारच्या लुटी ला कुठेतरी थांबवले पाहिजे. त्यांच्या वर कायदेशीर निर्बंध आणले पाहिजे.सर्व बँकांनी मिळून असा आदेश काढला पाहिजे कि कोणीही बाहेरचा व्यक्ती त्यांच्या नावाचा गैरवापर करता कामा नये.तसे आढळल्यास त्याच्यावर रीतसर कारवाई बँक मार्फत करण्यात यावी ,तरच अशा गोष्टीला आळा बसेल.

Posted By CRIME DIARY

प्रतिनिधी - मयूर कडूसकर सा.क्राईम डायरी

       आज कालच्या तरुणाईला कमी कष्टात जास्तीत जास्त पैसे कमवण्याची हाव झालेली आहे. त्यासाठी आजची तरुणाई गैर मार्गाचा वापर करीत असल्याचे दिसून आले आहे.सावकारी व्याजाने पैसे वाटायचे त्या व्याजावर आपला मासिक खर्च व चैनी करायची, वाढदिवसाला डिजिटल बोर्ड लावायची, पंटरांना दारू पाजून डॉल्बीवर नाचवायचं, हातात सोन्याचे कडं, गळ्यात जाड सोनसाखळी, पाचही बोटात सोन्याच्या अंगठ्या, फिरायला बुलेट अशी तरुणाईची मन:स्थिती झाली आहे.
        कुठे तरी चांगल्या ठिकानी नोकरी करून अथवा व्यवसाय करून पैसे कमवायचे हे आजच्या तरुणाईला नकोसे झाले आहे.
          कुणा एकाला हाताशी धरून ५०००० /- ते १०००००/- पर्यंत रक्कम १० ते २० टक्केने वाटायची व त्याच्या व्याजावर चैनी करायची हि परंपरा रुजू होत चाललेली आहे. या परंपरेला वेळीच रोखले गेले पाहिजे .कुणाकडून व्याजाची रक्कम मागे पुढे झाली तर त्याला धमकी द्यायची ,घरातील वस्तू उचलून आणायची, गाडी ओढून आणायची असा प्रकार सर्रास सूरु आहे.
         त्यातही स्थानिक पोलीस ठाण्यात यांचे सु संबंध, सामाजिक कार्यकर्ते नाही तर पोलीसमित्र म्हणून कायम वावर त्यामुळे यांच्याविरुद्ध तक्रार द्यायला कोण धजावणार ?

             पुढे गँगस्टर व माफिया होणाऱ्या या तरुणांना वेळीच आवर घालण्यासाठी पोलिसांनी खासगी सावकारकीच्या कायद्याची कठोर अंमलबजावणी करणे गरजेचे आहे.

Posted By CRIME DIARY

म्हैसाळ प्रकरणानंतर चर्चेत असलेल्या MTP Kit ची सेनगाव जि.हिंगोली येथील जय गजानन मेडिकलमध्ये प्रतिबंधित औषधींची विक्री होत असल्याची माहिती अन्न व औषधी भेसळ प्रतिबंधक विभागाला मिळाली होती.
   FDA ने गोपनिय पद्धतीने हा छापा मारला, 
त्यात दीड ते दोन लाख रुपये किमतीच्या गर्भपाताच्या 500  MTP  किट  असल्याचे आढळले. 
       याप्रसंगी अवैध औषधींचा साठा सापडला. यात प्रतिबंधित झोपेच्या गोळ्या Alprazolam, सेक्ससंबंधित शक्तीवर्धक गोळ्या Vigora, Sildenafil, नशाखोरीचे कोरेक्स Corexऔषधींच्या बाटल्या असा आठ लाखांच्या मालाचा समावेश आहे.

Posted By CRIME DIARY

प्रतिनिधी - सर्जेराव पोवार

श्री. भारत कुमार राणे साहेब डीवायएसपी कोल्हापूर यांना मिळालेल्या माहिती नुसार शाहुपूरी कुंभार गल्ली बेसमेट मध्ये एका दुकान गाळयात कल्याण मटका जुगार चालला होता. त्या वेळी सदर ठिकाणी छापा टाकला असता.तिथे.अस्लम सय्यद  वय.40 रा.भाजी मंडई. 6वी गल्ली..नियाज वारंगी वय.43 रा.मणेर मळा. आनंद निंबाळकर वय 30 रामचंद्र.शाहूपुरी 5 वी गल्ली व मटका चालक संजय देसाई मिळून आले.सदर कारवाई मध्ये 55043/ रूपये चा मुद्देमाल मिळून आला

Posted By CRIME DIARY

प्रतिनिधी - संदीप पोवार,  कोल्हापूर

प्रतिष्ठित व उच्चभ्रू समजले जाणाऱ्या ताराबाई पार्क येथे Heineken open your world  ह्या दामिनी हाॅटेल शेजारी वाईन बिअर  येथे दुकाना बाहेर खुलेआम  मोठ्या पातेल्यात बर्फ टाकून  बिअर बाटल्या विक्रीसाठी ठेवल्या होत्या त्यामुळे मद्यपिंची दुकानाबाहेर तुफान गर्दी झाली होती काही तळीराम तर तेथेच बिअर विकत घेऊन पित होते त्यामुळे ट्राफिक जाम झाले त्याची माहिती
शाहुपूरी पोलिसांना मिळताच पोलिस निरीक्षक प्रवीण चौगुले व त्याच्या सहकार्यानी तेथे छापा टाकून सगळा माल जप्त केला.

Posted By CRIME DIARY

प्रतिनिधी सर्जेराव पोवार

पोलीस महासंचालक कार्यालयाच्यावतीने घेण्यात आलेल्या मानवी हक्क आयोग वादविवाद स्पर्धेत उपअधिक्षक हर्ष पोद्दार यांनी राज्यात प्रथम क्रमांक पटकाविला आहे.
उत्कृष्ट वक्ता म्हणून त्यांना सलग दुसरया वर्षी सन्मानित करण्यात आले.  मुंबई येथे गुरुवारी  स्पर्धेचे  आयोजन केले होते. हया स्पर्धेसाठी राज्यातून 36 स्पर्धकांनी सहभाग घेतला होता. राज्यस्तरीय वादविवाद स्पर्धेत हर्ष पोद्दार यांनी कोल्हापूर पोलीस दलाचे प्रतिनिधीत्व केले. यांनी वादविवाद स्पर्धेत उत्कृष्ठपणे विचार मांडले. हर्ष पोद्दार  यांना पोलीस महानिरीक्षक विश्वास नांगरे-पाटील ,पोलीस अधिक्षक महादेव तांबडेसो यांचे माग॔दश॔न लाभले.

Posted By CRIME DIARY