पैसे मागण्याच्या कारणावरून मारामारी

प्रतिनिधी संदीप पोवार कोल्हापूर

दि.15/6/2017.रोजी बाबर हाॅस्पिटलच्या मागील मोकळ्या मैदानात ऊसने पैसे मागणीवरून मारामारी झाली. पोलीसांकडून अधिक मिळालेल्या माहितीनुसार,
वसीम मेहमूद कुमंदन  (वय 26,धंदा - खाजगी प्रशिक्षक,रा.प्लाॅट नं.204,आत्माराम काॅम्लेक्स,न्यु शाहुपूरी,कोल्हापूर) हा दुपारी 2:30 च्या सुमारास बाबर हाॅस्पिटलच्या मागील मोकळ्या मैदानात स्नूकर खेळण्यासाठी गेला असता त्याच्या ओळखीचा अमृत विणु बिडु (रा.स्वामी विवेकानंद काॅलेज जवळ,कोल्हापूर) हा वसीम कुमंदन यांच्याकडे 40000 हजार रुपये ऊसने मागू लागला पण वसीम याने पैसे देण्यास नकार दिला असता अमृत बिडू याने त्यांना लाथाबुक्याने मारहाण करून तेथेच जमिनीवर पडलेला दगड उचलून डोक्यात मारला त्याच झटापटीत वसीम कुमंदन यांची गळ्यातील 2 तोळा असलेली सोन्याची चेन तुटून पडली.तसेच तेथून अमृत बिडू हा पळून जात असताना तुला व तुझ्या कुटुंबीयांना सोडणार नाही अशी धमकी दिली
याची नोंद शाहुपूरी पोलिस ठाण्यात झाली असून भा.द.वि.स.कलम 324,504,506 प्रमाने गुन्हा दाखल केला आहे. तरी अधिक तपास पोलीस नाईक तळपे करीत आहेत.