हर्ले/ वार्ताहर दि. १२/ ८/१७
गणेश उत्सव मंडळांनी डॉल्बीस फाटा देत समाज प्रबोधनात्मक कार्यक्रम आयोजित करून गणेश उत्सव साजरा करावा. असे आवाहन शिरोली पोलीस ठाण्याचे प्रमुख सहाय्यक पोलिस निरीक्षक परशुराम कांबळे यांनी केले.
ते मौजे वडगांव ( ता. हातकणंगले) येथील गणेश उत्सवाच्या पार्श्वभूमिवर तरूण मंडळांच्या कार्यकर्त्याच्या बैठकीप्रसंगी बोलत होते. अध्यक्षस्थानी सरपंच सतिश चौगुले ,प्रमुख उपस्थिती पोलीस पाटील अमिर हजारी होते.
सपोनि परशुराम कांबळे पुढे म्हणाले की, कोणीही डॉल्बी लावू नये. देखावे समाज प्रबोधनपर असावेत. स्टेज हे वाहतुकीस अडथळा होणार नाही असे घालावेत. उत्सवाच्या माध्यमातून एकात्मतेचा संदेश दिला जावा.डॉल्बी मुक्त उत्सव साजरा व्हावा यासाठी पोलीस प्रशासन क्रियाशील आहे. तरूण मंडळांनी या उपक्रमास प्रतिसाद देणे क्रमप्राप्त आहे. मंडळांनी ध्वनिक्षेपक दिलेल्या मर्यादित राहून वापर करावा. असे आवाहन करण्यात आले.या प्रसंगी मंडळाच्या पदाधिकाऱ्यांशी सुसंवाद साधत त्यांनी चर्चेस योग्य मार्गदर्शन केले.
याप्रसंगी महिला पोलीस उपनिरीक्षक मनिषा गबाले, महिला पोलीस उपनिरीक्षक मनिषा नारायणकर,प्रताप रजपूत, बाळासाहेब थोरवत, प्रकाश कांबरे,अविनाश पाटील, अविनाश कांबळे, धर्मेंद्र चौगुले आदी मान्यवरासह, मंडळाचे पदाधिकारी, सदस्य मोठया संख्येंनी उपस्थित होते.
फोटो - मौजे वडगाव येथे सपोनि परशुराम कांबळे यांचा सत्कार करतांना सरपंच सतिश चौगुले व इतर मान्यवर
